طبعا قدم اللقاء الطالب بشار الزغول .. سنة خامسة طب و معدل رائع ما شاء الله ..
-- لماذا ندرس ؟!!
جميعنا نعلم أن مهنة الطب و دراسة الطب تختلف عن كل التخصصات الأخرى لأن الطب مهنة عملية مئة بالمئة .. في الطب لا تحتاج لحفظ كل شيء و على الجميع التركيز على ما يهمه في المرحلة السريرية في المستقبل "clinical oriented" يعني ما بهمني اعرف العصب كم تفرع اله أو اعرف العضلة ايش اسمها باللغة السريانية :p بس بهمني اعرف هالعصب اي عضلة بغذي عشان اذا اجا مصاب عنده مشكلة بهالعضلة أعرف بأي عصب الخلل ...
-- كيف ندرس ؟؟!
حسب ما قال بشار .. انه كان في البداية يقرأ الكتاب كامل و بالتفصيل و كذا .. بعدين اكتشف انه اشي "worthless" .. مع انه اكد على اهمية تكون الكتب موجودة معك ... وحسب كلامه انه الآلية الأكثر فعالية في الدراسة هي انه تمسك الشيت او الهاند آوت .. تدرسه منيح .. بعدين بتتطلع على الكتاب .. مش ضروري تقرأه بالتفصيل ... بس مثلا درست الـbiceps في الشيت ... بتفتح كتاب الاناتومي .. بتشوف الصورة و بتشوف اذا في عنها اشياء كلينيكال في الكتاب و بتتطلع عليها هيك بشكل عام .. وهيك بتضمن علامة و علم ..
في الفسيولوجي .. حكالنا انه كان يدرس جايتون بعدين اكتشف انه مش مضطر يعمل هيك و انه الفايدة مش كثيرة .. هاند آوت و سلايدات .. و اطلاع على الكتاب فقط .. و حكالنا ركزوا على كتب الـمراجعة و كذا "رح احكي عنها لتحت شوي :p "
-- التخصص وما بعد الست السنوات ؟؟!!
اربع اتجاهات ...
ناس بتخصصوا بألمانيا و هدول نصحهم بأنهم يوخذوا كورسات لغة المانية ..
ناس بتخصصوا بأمريكا "بأمريكا ما في جراحة" و هدول بعملوا الـusmle ..
ناس بضلوا في الأردن
ناس بروحوا على دول أخرى ..
بعد الست سنوات .. في سنة امتياز .. انت بتختار وين بدك تتطبقها بناءا على اختيارك للمكان الي رح تشتغل فيه .. مثلا ... اذا انت بدك تشتغل في الاردن مستقبلا .. ممنوع تشتغل الا تكون عامل امتياز في الاردن ... و حكى انه سنة الامتياز بتكون سنة "حراثة" ..
-- ايش اشياء بتفيدني لقدام ؟؟؟!!
في الاناتومي ... في كتاب اسمو high yield للأناتومي .. هالكتاب عبارة عن Review للمادة و صغير مش كبير كثير .. "انا شريته أول الفصل بالمناسبة :)" .. كل اسبوعين ثلاث مثلا .. بتفتح على المادة اللي اخذتها في هالاسبوعين في الاناتومي .. بتيجي يوم الجمعة بتفتح هالكتاب .. و بتقرأ الي أخذته .. بساعدك على المادة الكلينيكال من الاناتومي و بساعدك توخد العلم فعلا و بساعدك في الطلعة برة للتخصص ... و نفس العملية في الفسيولوجي في كتاب اسمه costanzo ... برضو review ..
هيك حكالنا انه ممكن نوخذ العلم و العلامة ...
هالحكي هو ملخص اللقاء .. و ان شاء الله ما أكون نسيت اشي ... واذا نسيت ذكروني :)
----------------------------
ملاحظة :
الاناتومي ... الشيت بينزل بعد المحاضرة بيوم .. يعني شيت اليوم .. بكرة بكون في الرائد ..
الفسيولوجي .. الدكتور محمد الخطاطبة بيندرسله هاند آوت و سلايدات و ان شاء الله نفس الاشي بعد بيوم من المحاضرة بينزل الهاند اوت و السلايدات في الرائد .. يعني طول ما خطاطبة بيدرسنا و بيعطينا الهاند اوت تبعته ما رح نعمل شيتات ..
لاب الاناتومي .... ان شاء الله رح نعمله فيديو بعد كل لاب و ينزل على قناة الدفعة على اليوتيوب .. انتظروها الليلة :)
By Mohannad H. Saadeh